Монгол Улсын Ерөнхийлөгч, Зэвсэгт хүчний Ерөнхий командлагчийн ивээл дор Завхан аймагт 2024 оны 09 дүгээр сарын 05-07-ны өдрүүдэд зохион байгуулагдсан “Төрийн цэргийн болон хууль сахиулах байгууллагын баруун бүсийн ахлагч нарын чуулга уулзалт”-д Баян-Өлгий аймаг дахь Шүүхийн шийдвэр гүйцэтгэх газрын хамгаалалтын ажилтан, ахлагч С.Нурлан, нярав, дэд ахлагч Б.Элбэгзаяа нар оролцлоо.
Чуулга уулзалтын үеэр зохион байгуулагдсан ахлагч нарын спортын 5 төрөлт тэмцээнд ширээний теннисний төрөлд нэгдүгээр байрт хамгаалалтын ажилтан, ахлагч С.Нурлан шалгарсан бөгөөд нярав, дэд ахлагч Б.Элбэгзаяа Онцгой байдлын байгууллагын “Албаны төлөө III” зэргийн тэмдгээр шагнагдлаа.
